Ona thengia ya mucmanio wa mathaa 7 gutabanio gatagati ka arugamiriri a ngwataniro cia arigitani na kamiti ya mwanya iria yathukiirwo wuigiririki wa gutangikira mathiina ma arigitani acio,nginyagia riu kihonia gitiri  kironekana.

Arigitani a gikiro kia nurse na aruna ao a gikiro gia clinical officer makinyiriirie kuuga ti nomeguthii na mbere na mugomo wao nginyagia hindi iria thirikari nene na thirikari cia matuura cigatangikira mathiina mao.

Ihinda-ini riu nake mwandiki munene  wa ngwataniro ya aruti  wira bururi-ini COTU Francis Atwoli ni athingatiite thirikri itikire kwaraniria arigitani acio niguo mateanirie mugomo wao uria ukoretwo ugithii na mbere  kwa ihinda ria ciumia igiri riu.