Mendekithia ma Maraga kung’etherwo igooti-ini


Akenya eeri nimahandite ciira igooti-ini makiregana na mendekithia ma Mucirithania munene David Maraga ma Kubunja Bunge.

Akenya acio Leina Konchela na Abdula Munasar marenda igooti rihingiriria President Uhuru Kenyatta kuumana na kuoya ikinya oro riothe mendekithia-ini macio, nginyagia ciira wao uthikiririo na ucoke utuithanio.

Ona kuri ouguo mutongoria wa gwataniro ya mawakiri Bururi-ini Nelson Havi, aroiuga Gatiba ndiheete mundu oro woothe mweke wa kuhanda ciira akiregana na mendekithia ma Maraga na uguo nayo gwataniro iria atongoragia ni ikuhanda ciira iking’ethanira na ukinyaniru wa ciira wa eeri acio.