Mehariria ma kuhingura mathukuru kugacirithio mwena wa Nyeri


Arugamiriri a mathukuru ni maambiririe mehariria ma uria githomo kingicokereria angikorwo thirikari ni ikuheana mwerekera ucio.

Indi muhinga munene ni ugumiire mathukuru ma gukomwo ma secondary kumana na muhatikano uria urehagwo ni uingi wa arutwo.

Na arugamiriri a githomo mwena wa Nyeri mari mihang’o-ini ya guthurima mehariria macio, nao arugamiriri a mathukuru makiendekithia gwakwo irathi njeru.

Minister wa githomo Prof George Magoha augite iumia giukite niguo thirikari ikaheana itua irumu ria hindi iria mathukuru makahingurwo oriri ugwatania homa ya Corona ithiite na mbere kunyihanyiha.