MCA wa Kahawa Wendani county ya Kiambu gukua


MCA wa wadi ya Kahawa Wendani, kaunty ya Kiambu, Cyrus Omondi nakuite.

Kuriirikana MCA uyu areethirwe akuirite nyumba ya kumama hotelini imwe mujii wa Mumbai nthiguru ya India.

Omondi, ura araari MCA wa kagiita ka mbere, araari nthiguru ya India ndiunga ya kiubisi amwe na MCAs bangi kiri kamiti ya kithomo.

Agikuuyira ntheto cia gikuo kia Omondi, spika wa mbunge ya county inu Stephen Ndichu naugiite MCA uyu akuite kuumania na kurugama wa nkoro.

Omondi aathurirwe ta MCA wa Kahawa Wendani mwanka wa 2017 na tigiti ya kiama kia Jubilee nyuma ya kugwa mwanka wa 2013.

Nuumwe wa MCAs bara baatongoreetie rwaria mbungeni ya county ya Kiambu rwa kurutwa gitini kwa gavana Waititu.