Mbunge ya senate gucirira ndereti ya ugai wa kigina oringi umuthi


Ndereti igii ugai wa kigina kuri thirikari cia matuura iraaririo gucokereria mbere ya mbunge ya senate muthenya wa umuthi.

Giikaro kiu kia miarahuko gigukorwo kiri gia ikumi na imwe ma-senator kugomana makigeria gutuithania ndugamano iria igumiire mutaratara wa ugai wa mbeca.

Muigana wa ciringi billion Magana matatu ma ikumi na ithathatu nicio ciamuriirwo thirikari ciothe mirongo ina na mugwanja cia matuura mwaka-ini uyu wa kigina.

Ihinda-ini o riu muingi na makiria ahuri biacara maugite waagi wa mbeca thirikari-ini cia matuura ni thina uhutitie mawira mao na njira nene makiria aria maaheanite motungata mao.

Aria maaritie na Inooro Ruciini maugite ndereti iyo ingirema gwetherwo kihonia umuthi, ibatii gucokio kuri mbunge ya bururi niguo ngucanio iyo ikinye muthia.

Ndeto ino irahanika nduku igiri tu mbere ya mangavana gukinyaniria mukana wa kurugamia motungata ma thirikari iria matongoragia magitetia waagi wa mbeca.