Mbunge guchokeera ikaro nyuma ya ruutha


Ikaro bia mbunge ya nthiguru na ira ya senate bigachokeera ntugu ya imunthi nyuma ya ruutha ruraya rwa thigunku na mwanka waimbia.

Niikaro bira bichokeerete mbunge iri na mantu kathumba ma kwariria na ugaruruku bukiirigiirwa kiri utongoria bwa mbunge ruteere rwa thirikari.

Kulingana na mutongoria wa bara baingi kiri mbunge nene Amos Kimunya, ukeegua mbunge ikinenkera urito ndwaria ira itarikia mwanka muthiru na rura rwa BBI.

Iguru ria rwaria rwa kwaga witigio na munini wa rais William Ruto, Kimunya naugite gutiri mubango nwa uriku ta uyu.

Amwe noogu, abunge bara bakuwata mbaru munini wa rais William Ruto baugiite bagatumira wingi bwago mbungeni kwona ndwaria cionthe ikuringithia mwananchi wa withire igukuruka.