Mawendekethyo ma sukulu ivinguwe


vindani yii Uneenania wambiisye yiulu wa undu masukulu meuvinguwa ingi, amwe ma mawendekethyo ala meikwatiwa kuneenaniwa umunthi kikaloni kya nzama ya maminister ni kalenda ka masomo ka mwaka wa 2021 na mwaka wa 2022.

Komitii ila itongoewe ni Dr. Sara Ruto yiendekethya term wa keeli wa masomo mwakani uu, wambiisye wakwambiliilya matuku 5 ma mwai wa 10 mwakani uu, naa amanyiwa ma kilasi kya 8, kilasi kya 4, o undu umwe na amanyiwa ma kilasi kya 7 na form 3 mayamba kunewa mwanya wa kuthi masukulu, nikana masome nginya mwaiini wa desemba, naa masukulu mayamba kuvingwa syumwa 2, mbee wa masukulu kuvinguwa kwa term 3 mwakani usu twathi.

O na uu wiovo, Kalenda ka masomo ka mwaka 2021,keendekethwa kambiisye muthyani wa mwai 4 mwaka twathi, itina wa amanyiwa ma kilasi 8 na ma kya form 4 kuminukilya kwika mutihani woo wa muthya.

Kuatiania na walanio usu,Mutihani wa KCPE wa Mwaka uu,Uvangiiwe kwika matuku 15 ma mwai 3 mwaka usu twathi, naa wathela oou nawo mutihani wa FORM 4 KCSE uyambiisya.

Ingi Komitii isu yiendekethya amanyiwa methiwe maisoma matena ivinda ya kuthyumua kati kati wa Term kana Midterm.

Nake Minister wa muvia wa Kisomo Mutahi kagwe, easya muvia wake naa ula wa Kisomo, niuthukuma syi muamba kuikiithya kwina mivango myailu ya kuikiithya muuo wa amanyiwa masyokethya masukulu.