Matiangi kugathika ngathiti-ini ya thirikari curfew iria ikambiriria ruciu


Minister wa ugitiri wa bururi Dr Fred Matiangi niagathikiite ngathiti-ini ya thirikari curfew iria ikambiriria guthingatithio guothe bururi-ini mutheya wa ruciu thaa imwe ya hwaini nginyagia thaa ikumi na imwe cia ruci-ini.

Watho ucio ugiite gutiri andu metikiriitio kugomana handu hamwe mari gikundi, guthii mari gikundi onakana mundu ari wika ihinda-ini riu ria curfew.

Hamwe na uguo niagathikire ngathiti-ini iyo watho wa kunyihia igoti ria  VAT kuuma gicunji kia 16 hari igana nginyagia gicunji kia 14 hari igana ta uria mutongoria wa bururi Uhuru Muigai Kenyatta araniririe muthenya wa ira.