Mathoowa ma mauta nimaambata ingi


Aakenya meikwatiw’a kuendeeya kuvinyiika muno kuivia ngalama sya mauta kwa kilungu kya mithenya 30 yukite. Uu ni kwianana na muvea wa kulunga mwaki kana energy vaa Kenya ERC kutangaasa mathoowa meu ma mauta.

Kwianana na maulyuku asu meu yu thoowa wa lita umwe wa mauta ma Petrol na ala ma Diesel niwongeleka na silingi 2 na mangotole 67 , na silingi 2 na mangotole 13 kiatianisyo vala ona ou wiovo thoowa wa mauta taaa waoleka na silingi umwe na mangotole 26.

Vaa musyini wa Ilovi , Lita umwe wa mauta ma petrol withoow’a silingi 112.87, Diesel 104.45 namo mauta mataa yu meuma silingi 102 lita umwe.

Mathoowa asu meu meambiiya kuthukumithw’a utuku wa umunthi nginya utuku kati matuku 14 mwai wa Katatu.