Mathina kugumira vururi kumana na gututhuka gwa Coronavirus


Mathina megii gukinya kwa murimu ugwati wa coronavirus guku vururi nimbiriritie kwonekana, bunge cionthe cia county 47 niciatiria cikaro niguo kwigita kumana na murimu uyu wa Covid19 guku kampany ya ukinyaniria ya safaricom ikianirira customer ake matikarivagua wanai ndururu magituma ngiri kuvitukirira Mpesa. Mbua cia khomo niivingitue guku cukuru imwe ikiuga nikuthinambere kuvundithia arutwa na mitambo yakiriu , Prof. Stephen Kiama ni VC wa University wa Nairobi

Kageci wakau bunge cionthe cia county nicianiririte kurungania cikaro ciake vai kageci niguo kurigiriria gutamba kwa murimu wa Corona na uria tiyari unyitite andu athatu guku vururiri, Wahome Ndegwa ni mwenegiti wa muangano wa maspika a County.

Kageci wakau nao Magavana nimarungamitie mitartra imwe ta county ya Nyeri iria yerekeria kuvingwa kwa kundu kwa ikeno ta iravu , county ya Kakamega ikierekeria kuvingwa kwa Nyomba cia kwiga miri. Wycliffe Oparanya ni gavana wa Kakamega

Tiga mau minister wa mithako Amina Mohammed niutiramitie mivango yonthe ya mithako guku nayo ministry ya maundu ma migunda ikivinga wavici cia vai mithenya 28 , kunai uguo nayo kampany ya Safaricom niyaniririte ndigatinia mbeca mundu agituma ciringi ngiri na Mpesa guku nakio kiama kia arigitani guku vururiri KMPDU gikiendekithia athondekani makiria kwandikwa niguo magirie mbere ya kurua na murimu uyu ugwati wa Coronavirus.