Maovisaa ma muvia wa kisalu utuku wa kuamukia umunthi nimakwata syana 44 sya sukulu sya ukuu wa myaka 14 nginya 17 nyumbani kwa mundu muka umwe kisioni kya Mountain View vaa musyini wa ilovi.


Maovisaa ma muvia wa kisalu utuku wa kuamukia umunthi nimakwata syana 44 sya sukulu sya ukuu wa myaka 14 nginya 17 nyumbani kwa mundu muka umwe kisioni kya Mountain View vaa musyini wa ilovi.

Kuatiania na report sya Volisi,Nyumbani ya mundu muka usu vakitwa nzovi sya mithemba kauta na vangi.

Kuatiania na ukunikili ula weekwa,Amanyiw’a asu maumite kauntini sya Ilovi,Kiambu na Masaku.

Kati wa amanyiwa asu,Imwana syii 26 na eitu 18, naa ila imwe ni syana sya sukulu sya secondary na ingi sya sukulu sya musingi.

Mundu muka ula eiitite syana isu vau nyumba kwake Millicent Kithinji naa wina ukuu wa myaka 41, niwakwatwa ni volisi, na aendeeye naukulwa makulyo ni maovisaa ma isalu ma kisese kya volisi kya Dagoretti.

Muvia wa isalu kwa ivinda yingi, niwataa asyai nikana malungane na miendele ya syana syoo kila ivinda.