Makarika meeru 123 ja corona gukujirwa, Mathare ikiandikithia jo 33


Kenya narua nikujirite mungana munene buru jwa makarika ja murimo jwa Covid19, kuuma murimo juu jurakujirtwa aja nthigurune, nyuma ya antu bangi 123 kugwatikana barinaju.

Ni nteto kuringana na minista wa ugima bwa mwiri Mutahi Kagwe kiri gikaro gia ntumiri ya o ntuku yegie murimo juju aja nthigurune.

Minista Kagwe naugite bau 123 bagwatikene nyuma ya ithimi 3,077 na gwankia 1, 471 mungana jwa ajie ba virus iu aja nthigurune.

O kagitene kau Kagwe naugite ajie bangi 3 nibakwite kumana na murimo juu na gwankia 55 mungana jwa ikuu bia kumana na murimo juju.

Naugite ikuu bithatu bieru ni bia ajie barari na thiina ingi cia ugima bwa mwiri irio Diabetes na Hypetension, boombwa nkuruki bakugwatwa ni corona.

Niuntu bwa untu bubu nakuria wonthe urina mbajua ingi aimenyere mono kwona mwiri jurina inya.

Minista Kagwe nagwatirite ntumiri ya rais ya umbikika bwa kweberua kwa imwe ya mitaratara ati bukaringana aki na muntu o kiumbe kiri ndwaa na mpanga iji ya corona.

Jonthe 9, bwa ikumi, nakuria akenya bete mbere kuthingatira mitaratara iria iiki gwikaria kumana na corona, akiuga ndwaa na corona ni ya muntu o kiumbe,