Makarika ja corona gwanka 1,161 aja Kenya


Ministry ya ugima bwa mwiri niyerecete uguaa kumana na antu baria bagukua bari nja niuntu bwa corona bakimakira gwita gucwaa utungata cibitari.

Kiri ikuu 50 biria bikujiri aja nthigurune kumana na corona, gicunci kia 30 kiabio nigikwirikana gukarika nja niuntu bamwe ba antu nibagukira gwita cibitari gutungatwa na kwou gwikira endwa bao ugwatine bunene.

Indiria jau jagikarika, makarika ja virus ya corona nijankite 1,161 nyuma ya antu bangi 52 kugwatikana na virus iu, ndene ya mathaa 24.

O kagitena kau minista Kagwe nagwatirite ati ndereba o wonthe no mwanka arite certificate ya gukujira atina virus ya corona mbere ya gwitikirua gwita mbere na safari.

Nongerete kuuga antu bangi 5 nibamburi kuuma cibitari na gwankia 380 mungana jwa baria borete murimo jwa corona, na ati guti gikuu kirakujirwa gwa kagita kau ka mathaa 24,