Magoi keyat sukulisiek chebo barak ak Colleges chetomo koitchi magutik chebo borietab Corona,kamwa ministry nebo somanet


Kakomwa ministry nebo somanet kole magoi keyat sukulisiek chebo barak ak Colleges chetomo koitchi magutik chekitet serkali chetokchingei boriet nebo miondoab Corona.

Ye kangongololi eng Konoin Technical Institute eng county nebo Bomet komwa minister nebo somanet Prof.George Magoha kole magat eng sukulisiek tugul chebo barak ak colleges kosuldae ngatutichotok anan ngomaunotok ko magoi keyat eng arawetab sogol.

Kora komwa Magoha kole nyalu eng kandoinatet nebo sukulisiechotok komatkotuptechi batai ngatutichotok amu tokchingei korib kanetik ak kipsomaninik komanam miondoab Corona.