Magat kechamchi biik chesirei 100 koba goriikab saet, kamwa kandoikab dini eng Uasin Gishu County


Kakomwa alake eng kandoikab dini kobun county nebo Uasin Gishu kole ngandan tiei chamchinet nebo kotestai sautik eng goriikab saet, ko komakonyalu kele biik 100 che kechamchin koitita sautichotok.

Yekango ngalalchin siriikab logoywek eng nganasetab Eldoret komwa nebo ngecheret eng katuiyetabgei eng Uasin Gishu county Gospel Ministries Bishop Wilson Kurui kole ngatutionotk ko gerchin sang biik chechang che nyalu koba sautik eng goriik che imuch koitita biik chesirei 100 eng kasarta agenge ako maitei korikchin amu eechen gorikwak chebo saet.

Ngalek che katii agine rubeiywotab nebo ngecheret eng katuiyetabgei nebo amdoikab dinitab christo ak islamiek eng mornet nebo Rift Valley Murot katam Abubakar Bini, ne kamwa kole tagu ko manyor katigonet ne ititaat President Uhuru Kenyatta akobo ngatutionotok.

Kates komwa Bishop Kurui kole makiityi matwosiek tugul eng kasarta ne kikingalale akobo kasuldaetab ngatutichotok amu makigochi boroindo amdoik chebo komaswekab gaa kokon gerutikwak.

Eng kasaratak komwa Bini kole kimakonyalu kegerchisang lagok chetomo koit kenyisiek 13 ak biik che kikosir kenyisiek 58 kobat koba gorichotok bo saet.