Mache senator nebo Kericho serkalit neo kotiok rabinik chekikitabonchi siptalisiek chebo Level 5 koitchi siptalitab Kericho sub county.


Kakokon kurset senator nebo Kericho Aaron Cheruiyot koitchi serkalit neo kotiok rabinik chekikitabonchi siptalisiek chebo Level 5 koitchi siptalitab Kericho sub county.

Kamwa Cheruiyot kole tomo konyor siptalinotok rabinik chekiitabonchi serkali eng kasarta nebo kenyisiek oeng che eng nguni konekit koit silling billion 1 ak konach kasuldaetab boisionik eng siptalinotok.

Ye kangongololi kangorutechi siptalinotok bo Kericho sub county asikoker chobchinetabgei nebo borietab miondoab Corona komwa Cheruiyot kole inyoi siptalinotok bik kobun counties cheterter ama Kericho inege ak eng notok konyalu kikochi rabinichotok eng chokchinet.