Mache mengik chebo mengotetab Huruma eng Eldoret serkali konaktae komasta nekichigile bik ngotkotinye Corona nemite komasatak.


Mache mengik chebo mengotet nebo Huruma eng Eldoret county nebo Uasin Gishu serkali konaktae komasta nekichigile bik ngotkotinye miondo nebo Corona nemite komasatak.

Kondochin MCA nebo komasatak Peter Chomba komwa kole mengotet nebo Huruma komite ngony sobet ak eng notok kochang mengik ak imuch koyaptagei eng chokchinet mionotok bo Corona ngotkotestai yaetab chigilisiet eng komasatak.

Kakwongchi Chomba amune asikende ketesionotok bo chigilisiet komasatak ago bik chekichigili eng yotok ko derevaek chebo trelainik.

Kates kole derevaechotok koruitos eng lodgings chemite mengotonotok koyoe ibetabgei ak tibik ak kwonyik kit nekale konu kaiweiset amu nyumnyum kwo barak kanamndaetabgei nebo miondoab Covid-19.