Maavitha vorithi matirarumirira mawatho maria mekiritwe kuvurana na covid 19


Wariri thirikari ithiite na mbere na kuria mwingi kurumirira mikana iria maravewa kurigiriria kutherema kwa murimu wa Covid 19 ,riu mwingi nutete na kuuga wana maavitha a vorithi nimavatie gutethia mbarari ino.

Makiaria na metha ya movoro nimaugite wana maavitha a vorithi nimavatie kumenyerera uria marakuua mwingi na kuvuvira ngari ciao riria maikia mwingi ngono vindi ya patrol ciao magitethia kuvingia kavinda ka mwiyugo karia karutirwe ni thirikari kuuma thaa imwe cia kivwai nginya thaa ikumi na imwe cia kirauko.

Magitongorua ni Bernard Kinyua mwenegiti thokori ya Manyatta nimaugite ngari cia vorithi itikoretwe ikivuvirwa wana vuva ya gwikia mwingi ngono na wanao mavatie kuvuvira ta uria matatu iravuvirwa vuva ya gukua mwingi.