Maabitha 13 a borithi kuigwo keheri-ini magikuirwo kugumirwo ni coronavirus


Makiria ma maabithaa  13 a borithi county-ini ya Kilifi aria ni hamwe na munini wa OCS, maigiitwo keheri-ini thutha wa gukorwo mahutaniitie na munini wa gavana county-ini iyo Gideon Saburi uria ugumiirwo ni murimu wa Covid -19.

Na ikinya ria andu kwaga kurumirira mawatho maria magathikiitwo ni thirikari kugerera ministry ya ugima wa muiri  nirirarakiire mutongoria wa bururi Uhuru Muigai Kenyatta, uria riu ugiite aria mekunyitikana makinyarara mawatho macio matikuiricha gutacukirio makinya mahiu ma kiwatho.

Ihinda-ini riu nao maabithaa a thirikari ministry-ini cia  ugima wa muiri na ugitiri wa bururi, nimarahitana na andu aria marakoretwo matukana na father umwe wa kanitha wa Catholic uria wahundukire guku bururi-ini kuma muci-ini wa Roma bururi-ini wa Italy tariki 11 mweri-ini uyu turi wa itatu.