Ma-MCA guthukirwo kigina kia ukuria wa matuura kuhetukira riboti ya BBI


Ajumbe mbunge-ini cia matuura riu ni marihokagirwo kigina gia gukinyaniria uthii wa na mbere wondi-ini ciao.

Uhoro uyu ni kurumirira mendekithia ma riboti ya BBI, kaunti igiathwo yamurage gicunji gia ithano kia budget guthii kuri wondi ciothe.

Mwerekera ucio ukite thutha wa mbunge ya bururi guteaniria ndereti iria yatabariirwo ni senator wa Murang’a Irungu Kang’ata.

Na akiaria na Inooro Ruciini Kang’ata augite kigina kiu ni gigucangira na njira nene hari ukuria matuura-ini.