Kwongeera ukaria Narasha, mwankani wa Laikipia na Isiolo


Murugamiiri wa thirikari nene gishigo kia Rift Valley mantuni meegie ukaria George Natembeya naugiite thirikari igaatumira njira cionthe kwona kuri na ukaria bwa kugana nteere cia Narasha, mwankani wa Laikipia na Isiolo naara wigiitue kuri na ndwaa cia kimigongo kwa igiita.

Akiaria kiri mucemanio wa ukaria gati ka migongo ya Samburu ba Isiolo na Maasai ba Laikipia, Natembeya augiite borisi bageetigiirua gutumira risasi kurwaana na enyangia nteere inu.

Augiite eenyangia babu wigiitue bakiuraga antu batari na mabitia na kwogu utiigua bakirekua kuthi mbere na untu bubu.

Migongo inu ira ituuraga kaunty cia Laikipia, Isiolo na Samburu wigiitue ikiruira ndiithia kwa igiita, mucemanio wa igoro ukiirigiirwa kuleta thiiri nteere inu.

Mucemanio uyu uratongoreetue i George Natembeya na kuleta amwe atongoria ba gisiasa na bara ba rwong’i rwa ukaria.