Kwomba thirikari ikeberia watho bwa kabiu, rais Uhuru gukunya


Kwomba watho bwa thirikari bwa kabiu kiri imwe ya miena bukeberua ruaa na mworoto jwa kurugura uchumi buria bukwonekana kuurika kumana na thiina ya corona.

Akiariria nthiguru gikarone kia rais aja Nairobi, rais Uhuru Kenyatta nakunyite ai kwomba thirikari ikarugura uchumi bwayo ruaa.

Rais Uhuru nakuuga kwona Kenya nikurugura uchumi bwayo ikaringana na wiru bwa o mukenya.

Nongerete kuuga akenya batiumba gwita mbere na uturo bwa kuingirwa, indi arita ntumiri ati kethira mitaratara iria iiki ni thirikari itithingatirwa, ni gukethirwa na makarika nkuruki ja corona.

O kagitene kau natangacite kwongereka kwa mungana jwa ajie ba corona nyuma ya antu bangi 31 kugwatikana nayo na gwankia 1,192 ajie bayo aja nthigurune.