Kuthukanga kwa barabara Gakunguguni, Tharaka


Akari ba Gakunguguni wadi ya Marimanti kaunty ya Tharaka Nithi ibakutheta ikuthukanga kwa barabara cia nteere inu bakiuga nithukiitie igiita riraaya itaruthwa.

Ibarombeete thirikari ya kaunty gurukiira MCA waago Susan Ngugi kwigua kiriro kiago na kubaruthira barabara inu mbere mbura ino ya muratho imata baaga wa gukurukiira.

Nyuma ya matheta mamu ma akari ba Gakunguguni wadi ya Marimanti, MCA wa nteere inu Susan Ngugi Mwindu neebumiritie na kuuga thirikari ya kaunty neo icherithiritie kuruthwa kwa barabara inu.

Akiaria na meetha ya ntheto, Ngugi augiite naaanenkaniire miradi yonthe ira ibatiiri kuruthwa kiri ubisi bwa gavana na ndwong’i cingi ira ibatiiri kiri kaunty indi gutiri untu buuyuriitue.

Wa kagiita kangi naweteete waagi bwa kigiina kia wadi ta kaumo ka thiina inu yonthe akiuga bo ta MCA kaunty ya Tharaka Nithi batiri mbeca cia kurutha muradi nwa uriku.

Nauriitie thirikari ya kaunty rungu rwa gavana Muthomi Njuki kwigua kiriro gia akari na kurutha barabara inu nontu tayari kuri na maragita ma kugana.