Kumusango kwa Waluke


Banamalaka ba omujumnbe wa esirisia John Waluke balindilile khunyola eripoti ya bushahidi bwa kumusango kwa omwami Waluke nio bachake khung’ona kumusango kwa lisaba liliekongochi.

Kano kali khulondekhana nende omunamalaka omukhongo wimelele kumusango kwewe Danstun Omari
Omari abulilile ali sitabu sia bushahidi bwa kumusango kuno sili ne chipapulo 3,720 nicho bakhoyele khubiriramo nebakhacha khuana lisaba liabwe liiekongochi wakana lia khukhuenya alekhulibwe khubonda alala ne efaini niyo kakhalakilwe khukhalwa.
Waluke alala ne Grace Wakhungu bakhalakilwe efaini ye kamamili angaki wa 700m nenga tawe siboo sia kimiko saba mulumale khukhuamanana ne kumusango kwa bukhalukha bwa kamaindi bwa kamamili angaki wa 297m bubwatuba ekampuni ya Erad suppliers ne kumukanda kwa serikali kwa NCPB.