Kuithuranira wa cukuru kwamukira aritwa


Wa rira aritwa ba grade 4, kiraci kia 8 na ba form 4 bakuirigiirwa cukuru ntugu ya Nchumathatu kiumia tuthiite, uchunkuni bwa metha ya ntheto ibwonaniitie mbingi cia cukuru cia thirikari itibangiite bwa kugana.

Mwanya na cukuru cia antu biumbe ira imwe cionekanite kuibanga bwa kugana, cia mwingi nirumiiritwe anene ikinyamaara kia waagi bwa ruuji

Kulingana na mwarimo wa cukuru imwe ya mwingi aaga Nairobi ura ateendete kuwetwa, arimo ukeegua bari na kubarua kinene kwona aritwa bakuthingatiira mawatho.

Augiite mwanka kagita gaka bagwete aki sabuni na rira aritwa bonthe bagachoka cukuru mamwe ma mawatho makarema kuthingatiirika

Kiri cukuru ya Jonathan Glog ira nea muntu kiumbe aaga Nairobi, iri ngerekano ya cukuru inu, mibango ya gitumi nirikiitie na beeterete aritwa kiumia tuthiite.

Amwe noogu, kuri cukuru imwe cia antu biumbe itakiumba kurugurwa i kira eene bakuuga iwaagi bwa mbeca.

Nteere cia Lurambi kaunty ya Kakamega, aciari ba cukuru ya Rehaboth ibarigariite nyuma ya gutumirwa ntumiiri kubeera cukuru inu niingitwe buru.