Kuibanga wa kaunty ya Marsabit gukandana na corona


Gati ga itanda 300 bia aajie ba corona bira kira kaunty ibatiiri kwigua iri nabio mbere ya kuregeria mamwe ma mawatho, kaunty ya Marsabit iri na itanda 60 aki.

Amwe noogu, kaunty inu yuugite nibangite bwega gukandana na murimo uyu na ibarutaniite maafisa ba ugima bwa mwiri bwa kugana.

Murugamiiri munene wa ugima bwa mwiri kaunty inu Dr Adano Kochi augiite machine cia guteetheria aajie kubeeba nukuirigiirwa gukinya kagiita konthe.

Kaunty inu iri na aajue bathatu ba corona, kamwe kari kaana ka mieri 7 kuuma Mataa Arba, wadi ya Sagante Jaldesa, gishigo mbunge gia Saku.

Adano augiite madagitari bara bakuragurira aajie babu ba corona ibachuiriitwe wa gukara kwona batirathi mijii baaya guikira antu bangi ugwatini.