Koti kuwatithania Chauvin na mabitia ma kuuraga George Floyd


Koti nthiguru ya Amerika niwatanitie na mabitia afisa wa borisi ura auragire George Floyd wa rukore rwa giafrika mweri wa 5 mwanka muthiru.

Derek Chauvin, 45, oonekanire kiri mbica cia video akiinyiria Floyd nkingo na kiru wa kagiita ka darika 9 mwanka aakua.

Afisa uyu awatikaniite na mabitia kiri nthitango cionthe ithatu, itua rira rirutiitwe i nkiama ya agambithania 12 bara barathikagiiria igamba riru; untu bura burakeneerwe naantu ba mujii.

Chauvin akaathi mbere gukara rumande agieteera gutuirwa.

Itua riru irikaathitwe i rais wa nthiguru ya America Joe Biden akiuga niikinya ria gitumi kiri kurwaana na kwathurwa wa antu kulingana na rukore na rangi ya nkonde yaago.

Munini wa rais Khamala Harris augiite antu baayiru nthiguru ya America muno antu arume bari na aki wa ta bara bangi nthiguru inu.