koibokchi Bikab emet kapchii agenge eng Soin Sigowet chekimwoitoen banitwogik.


Kochililee meet kapchii agenge kobun kokwetab Kapkwen eng sub location nebo Kapkeburu eng sub kaunti nebo Soin/ sigowet eng kaunti nebo Kericho kongobokchi bikab emet chekonerekos eng mwaet kole ichek ko bonik cheruoti eng saisiekab kemoi.

Kaiyan imanda nebo logoiwechu rubeiwotab kirwokindetab Kapkeburu Joseph Kosgei ak komwa kole kotoi bichato komuut goyato ak kotoi kobokchi bikab goyoto chekirirtoe ichek kole tinyegei ak yautik chetomo kebaorionchinin  chetomo kebaorionchinin eng kiyagikwai chebochi kokeei   tuga eng saisiekab kemoi nga no komakimuch kenai imanda nebo logoiwechato bo bikab emet.

Kamwa kosgeei kole kole kosor bichato ofisaekab polis kobun komosta nebo Sondu kongemwachi ichek agobo yautionoto ole koimongei bichato bo emet ak kotokchi  nerekek  ak kotusken korik agoi koek orek.
kamwa logoiwek kole kolage koik ofisaekab polis chekoimuti kapchii noto kit nekoek kelchin komaaam kiy garitab polis.

kasom, kirwokindonoto bikab emet komat koib ngatutik eng eunekwai eng kasarta nekabit yautichato ak kosom ichke konam bichato ak komut koba kitesietab polis asikeyotchi kirwokutik.

Ends