KMPDU kuria thirikari itigire ariti ngugi ba ugima bwa mwiri barina PPEs gwikaria


Kiama kia mandagitari aja nthigurune, KMPDU nigikuria thirikari itigire ariti ngugi ba ugima bwa mwiri barina kionthe gikwendekana gwikaria tariria kumana na murimo jwa covid19.

Mandagitari bau nibakuuga ariti ngugi ba ugima bwa mwiri bari ugwatine nkuruki bagikandana na murimo juju.

Batongeretue ni mukariri giti wao wa kinthiguru Samuel Oroko na mwandiki mugwatiri Chibanzi Mwachonda, kiri gikaro na aandiki ba nteto aja mucii munene, nibaugite mandagitari na ariti ngugi bonthe ba ugima bwa mwiri nibakubatara kugwatwa mbaru, buiro kuriirwa marii ja cibitari ja baria bagwatwa ni corona.

Nibakuuga iromba riao ria kuewa into gwikaria nabio bikumenyekana ja PPE na bingi gwikaria kumana na murimo juu ritetikwa, bakiongera ati kagita ni anandi kubakaria.

Iromba riao rijite ntuku imwe nyuma ya ndagitari gukua kumana na murimo jwa Covid19, riria ikarika ria mbere gwatika rwnagi ruu aja nthigurune.

Oo niboritie mwingi jwite mbere kuthingatira mitaratara iria iiki na mono maturene kunyiia gutamba gwa corona.