Kirabu kimwe gukanjirwo marua Kirinyaga


Mutumia umwe uria niwe mwene kirabu kimwe mwena wa Githure Gichugu county-ini ya Kirinyaga ni aikirio ngono na marua make ma wonjoria maiyukio ni maabithaa a borithi thutha wa kunyitikana akienderia andu njohi amahingiriite kirabu-ini kiu mugaru wa watho.

Agikira ndeto ino mukonde munene wa borithi mwena ucio Anthony Mbogo augiite mutumia ucio ahingiriitwo ceceni-ini ya borithi ya Kianyaga, akiuga akoretwo akienderia andu njohi agiitwa ni mabundi mararuta wira wa guthondeka kirabu kiu.

Mutumia ucio aikirio ngono ona thengia ya kurutira maabithaa a borithi mikana, Mbogo akiuga aria oothe marahinguraga irabu mugaru na mawatho maria magathikiitwo ni thirikari na mworoto wa kuhotomia gutherema kwa murimu wa Covid-19 matikwiricha gutacukirio makinya mahiu ma kiwatho.