Kinerekchin ribikab kalyet eng Nakuru ak Narok agobo boriet nekobit eng komasta nebo Olposimoru nekoyai kibete sobet bik 6


Kakonerekchi Mp nebo Kuresoi murot tai Joseph Tonui ribikab kalyet eng county nebo Nakuru ak Narok agobo boriet nekobit eng komasta nebo Olposimoru nekoyai kibete sobet bik 6 ak kemetochi kakotonosiek bik alak.

Ye kangongololi eng kokwetab Sinendet eng Amalo eng konoretab Paul Korgoren ne agenge eng bik chekikibete sobet eng borionotok komwa Tanui kole kiichutchigei boisiet ribikab kalyet kale ndakikaib kakwautiet eng chokchinet ko kitamakobitu kabetetab sobonwek.

Kamwa Tanui kole magat kecheng walutiet nebo koigeny kosupkei ak boriet nebo kiwoto nekale kibaoryonchin eng kila kenyit eng kwenutab bororiosiek chemenye kiwoto.