Kilavu kimwe kya Nzovi nikyavuthwa ni Mwaki Kisauni kauntini ya Mombasa


Mali ya lato munene utuku wa kuamukia umunthi niyavuthwa ni mwaki, ula wavivya kilavu kimwe kya nzovi kila ki ngaliko sya Bamburi kisauni kauntini ya Mombasa.

Kwianana na munene wa Volisi ngaliko sya Kisauni Julius Kiragu eweta kana, nimaendeeye na kuthuima mwambiio wa mwaki usu na ula wavutha ngaliko ya makuti ya kilavu kyu.

Ingi ukunikili nuendeeye kumanyika kethiwa ve andu meiitwaiisye Utandithya wa kuta nzovi kilavuni kyu ivindani yila mbanga isu yakitika,kiu ni itina wa ilavu syoonthe kwithiwa inaumiiwe mwiao wa kuvingwa kwivathana na kunyaiika kwa uwau wa ikua ya Corona.

Ene nthi matetheanisye na maovisaa ma kuvosya mwaki silikalini ya kaunti ya Mombasa, nimakua ivinda ya mbee wa masaa 2 kuuvosya vyu mwaki usu, mbee wa utananyaiikia nyumbani ila ingi kisioni kyu.

Ona uu wiovo, Kiragu niwaumbula kana, vai mundu unaumia kumana na mbanga isu.