Kigina gia guthurima thairi cia BBI kurekererio


Mihango ya guthurima thairi cia gukinyaniria kuura ya mawoni ma muingi kugerera riboti ya kamiti ya BBI riu ni ikwambiriria thutha wa ministry ya kigina kurekereria kigina gia ciringi million 93 .7 cia kurugamirira mihango iyo.

Na kamiti ya ithurano na mihaka Iebc yugiite niihariirie kwambika mihango iyo, muikariri giti wa kamiti iyo Wafula Chebukati akiuga nimaragiire na giikaro na ministry ya kigina na mworoto wa guciriira njira cia kunyihia mahuthiro niguo kigina kiu kiigane.

Na kuhitukio gwa kigina kiuĀ  nigutumuriite mawoni matiganiite, akenya makiuga ni mahitia thirikari kwaga gutangikira mathiina ma arigitani no ikona mbeca cia kurugamirira mihango iria iraguna atongoria a kiuteti ta BBI.