Kiama kia Thirdway Alliance kuruguria kairi mworoto jwakio jwa kugarura katiba, Punguza Mizigo Kenya


Kiama kia Thirdway alliance nikiruguritie kairi mworoto jwakio jwa kugarura katiba kiri mutitiko juria kagita gaka juegi riitwa Punguza Mizigo Kenya.

Kuringana na mutongeria wa kiama kiu Ekuru Aukot, mworoto munene jwa mutitiko juu ni gutigira akenya nibakugwata utungata bwa mwingi na njira tariria.Akiaria na aandiki ba nteto gikarone kinene kia Thirdway Alliance aja mucii munene jwa Nairobi, Aukot nakunyite ati mutitiko juu juriraitha misingi ikumi iria ni amwe na gutitika ugai bwa gicunci kia 50 kia ngwato cia kinthiguru kiri thirikari cia kaunti.

Mawendekithia jangi ni kwaa mbunge ya kinthiguru inya nkuruki na gutejaniria ya senate kunyiia ngarama ya marupurupu na micara aja nthigurune.

Oo Aukot nagwatirite ati batina wendi o bunthe bwa kurita mawendekithia jao kiri gikundi kia BBI, no nibakuthurania caini kuuma kiri akenya nikenda rwaria ruu rukoomba gukurukua ni mbunge cia kaunti,