KeTCA kumeneeria BAT


Nkiama ya kurwaana na utumiri bwa mbaki aaga nthiguru na riitwa Kenya Tobacco Control Alliance KeTCA nimeneeretie anene mibango ira ithiite mbere aaga nthiguru ikeaa nkuma utumiri bwa mbaki.

Ino i nyuma ya kumenyekana kambuni British American Tobacco nikurugamiira muceetho gati ka aritwa ba cukuru cia university ura ukumenyekana ta Battle of Minds.

Mukariri giti wa KeTCA Joel Gitali augiite gutiri untu bubatiiri kuruthwa buri bwa kwaa nkuma into bionthe bira biumaniitie na mbaki, ntheto ira iweetwe mbaru ingwataniro ya ikundi bia kurwaana na murimo wa cancer.

Akiaria na andiki ba ntheto aaga Nairobi, Gitali augiite untu bubu ikuuna watho nontu kuri na mawatho mara meekiritwe kurugamiira utumiri bwa mbaki na imabatiiri kuthingatiirwa.

Nauriitie ndwong’i cionthe ira ibatiiri kuthukia matagaaria kurwaana na untu bubu nontu nuugwati kiri ugima bwa mwiri bwa mwingi aaga nthiguru.