Kenya kwandikithia ikuu 23 cia murimu wa Covid-19


Bururi wa Kenya nourathii na mbere na kwandikithia namaba nene ya ikuu iria ciumaniite na murimu wa Covi-19, ihinda-ini ria mathaa 24 andu angi 23 magithinikanio ni murimu ucio.

Riu andu aria moragitwo ni murimu ucio guku bururi-ini makinyiite andu 364, minister wa ugima wa muiri Mutahi kagwe akiuga ona kuhana uguo nayo namba ya andu aria mahonete murimu ucio niyongererekete nginyagia andu 8,419 thutha wa andu angi 254 kuhona.
Hamwe na uguo ni ataririe ati nginyagia riu bururi wa Kenya wandikithiitie aruaru 21,363 thutha wa andu angi 727 kuonekana naguo ihinda-ini ria mathaa 24.
County ya Nairobi noyo ithiite na mbere na kwandikithia namaba nene ya aruaru a murimu ucio yumitwo thutha ni county cia Kiambu na Kajiado, kuria nayo county ya Kirinyaga yonekaniite kwambiriria kuhobanirio ni murimu ucio thutha wa kwandikithia aruaru 20 umuthi.