Kenya kuhanda miti billion igiri ihinda-ini ria miaka iiri


Thirikari irabanga kuhanda miungurwo ya miti itanyihiire billion igiri ihinda-ini ria miaka iiri yukite guothe bururi-ini.

Muikariri giti wa bondi ya ruhonge rwa mititu Samuel Latema, augite itemi riu ni rirongoreirio gucokia riiri wa maria maturigiciirie.

Aheanite ndumiriri ino ari mwena wa Othaya, Nyeri akiruguria uhandi wa miti ya mirangi.

Nake minister wa maria maturigiciirie mwena wa Nyeri Beth Karimi, augite ni maambikite mehariria ma mihang’o iyo ya uhandi wa miti.

Nginyagia riu no kaunti cia Nyeri na Elgeiyo Marakwet ikinyitie gicunji kia mirongo itatu na ithano ya mititu.