Kenya gukujira makarika jangi 176 meeru ja murimo jwa Covid19 kwa mathaa 24 mathiru


Kenya nikujirite makarika jangi 176 meeru ja murimo jwa Covid19, na gwankia 6,366 mungana jwa makarika jau aja nthigurune.

Kuringana na mwandiki munene murungamiri wa ugima bwa mwiri Dr.Rashid Aman, makarika jau meeru ni kumana na ithimi 2,419 kwa mathaa 24 mathiru, jonthe jari ja akenya, umunini buru ari mwana munyi wa ukuru bwa miaka 3 na uria mukuru buru ni wa miaka 78.

Makarika jau meeru ni kuuma kaunti mwanya aja nthigurune, ya Nairobi igitongeria najo 99 na kuthingatwa ni Mombasa najo 20, Kiambu 17, Migori 13, Uasin Gishu 10 , Kajiado 4 , Busia 4, Kilifi 3, Makueni 2, Machakos, Narok, Kisumu na Kakamega ikarika rimwe o kiri kaunti iu.

Oo naugite ati ajie bangi 26 nibaamburi kuuma cibitari mwanya na gwankia 2,039 mungana jwa baria borete bururu kumana na virus ya corona.

Ruterene rungi naugite ajie 4 nibakwite kumana nayo, na gwankia ikuu 148 aja nthigurune.