Kaunti kurua itigire thirikari nene ngugi cia gutangaca mung’ana jwa antu baria barina coronavirus aja nthigurune


Murungamiri munene kiri ministry ya ugima bwa mwiri Dr. Patrick Amoth nekite weru ati mwajie uria wamburi na gwitikirua kwaana nyuma ya kwora virus ya corona arari wa bairi kugwatwa ni virus iu aja nthigurune, akiongera ati thirikari nitite mbere kwagirithia utungata bwegie Covid-19.

Nkuruki nakuria thirikari cia kaunti itigire thirikari nene ngugi cia gutangaca mung’ana jwa antu baria barina virus ya corona aja nthigurune.

Kuri jumatano igoro minista wa ugima bwa mwiri Mutahi Kagwe naracemanirie na atongeria ba kidini aja nthigurune baria bekite wirane gutetheria kiri gutambia nteto ciegie uthingatiri utheru amwe na kwaa akenya wirigiro gwa kagita gaka nthiguru iji yatiki ni murimo jwa Covid-19.

Gwanka nandi, ikuu nkuruki ya ngiri 22 nibikujiri nthigurune yonthe kumana na virus ya corona, indiria kurina makarika ja ugwatithania nkuruki ya ngiri magana jana, na antu nkuruki ya ngiri igana rimwe niborete.