Kaunti 18 ciaya kunyihirio kigina


Kaunti 18 kuuma icigo-ini iria ikoragwo na namba nini ya muingi indi ithaka nene, ciaya kuurwo ni muigana wa ciringi Bilioni 18 hindi ya ugai wa ciringi Bilioni 316.5 kuri thirikari cia kaunti mwaka-ini uyu wa kimbeca.

Ni kurumirira mendekithia ma ruhonge rwa ugai wa kigina CRA, ma kugaya kigina kuringana na muigana wa igooti riria riunganagio oro kaunti, wuingi wa andu, ikiro cia ugima wa mwiri na ukia hamwe na mangi, mugaru na nahau kabere riria kigina kiragayagwo kuringana na warie wa ithaka hamwe na ikiro cia uthii wa nambere.

Muthenya wa ira hindi ya giikaro gia kamiti ya Bunge ya senate iigi Bajeti, ndereti ino ironekire kwahurania Maseneta maita meeri, aria maoimiite kaunti-ini iria iri wuingi wa andu makigathiriria mendekithia ma CRA nao aria moimiite kaunti-ini-ini iria iri namba nini ya muingi making’ethanira na namo.

Nario umuthi nirio mendekithia macio megucirirwo mbere ya Bunge ya Senate, kaunti cia Nairobi na gatagati wa Bururi ari imwe cia iria ikugunika makiria woona mendekithia macio mahituka.