Kanyei ngal chi agenge ak kobete sobet neki kwondonyi eng komastab Solai Nakuru


Kerat eng ketesietab police nebo Bahati eng county nebo Nakuru chi nebo kenyisiek 50 ne mwaat kele koibete sobet neki kwondonyi.

Kamwa logoywek kole koisuldae chichotok rumisionotok eng mbaretab bandeek eng komastab Solai ak yeityo komwochi werinyi kole kokakosuldae rumisionotok ak kwo komiei koboisie pikipikit nebo kwonyotok.

Kwonyotok naat ko Martha ne kametab lagok oeng ko mwaat kele kitinyegei chomyot ak chichotok kobate kiit koterchin ak kobesyo, kiit ne kibwatyin ko koyai chichotok konerech ak kwo kosuldae rumisionotok.

Kamwa MCA nebo Bahati John Njuguna Ndonyo kole kanyor bikab boror bortab kwonyotok eng mbaretab bandek eng sait mut nebo kemboi ole komwochi ofisaekab police che koba kochang chichotok ne kakinyorchi komastab Maili Saba yekangomwei kotokchingei komastab sub county nebo Njoro ole menyei.