Kamwana kutiwa ni thayu kakoloka Masaku kuma Ilolini


Kamwana kamwe ka ukuu wa miaka 6, Utuku nikatiwa ni thayu kavinda kavuthu kamina kuvikwa sivitalini munene wa Masaku,kiu ni itina wa kamwana kau kwithiwa kakwata maumiisye manene ma Mutwe, vala kavaluka kakoloka kuma ilolini yila keisuite yambatite kyambato kyumu kivakuvi na musyi wa kusuvia syana ndiwa wa Terry childrens home nduani ya Mathukya, ila yi vaya syiimani sya iveti ngaliko sya Kathiani Masaku.

Ivindani ya mbanga isu,Iloli yiu yiikuite miti muthemba wa Shatter.

Ndeto isu ni kuma kwa munini wa chief wa Kaliluni sub location Joseph Mumo, ula ukwasya Mwii wa kamwana kau, watwawa nyumbani ya kusuvia akw’u ya sivitali munene wa silikali wa Masaku.