Kamwa Governor nebo Nandi Stephen Arap Sang kole chobot serekalinyi koborie kanyoiset nebo miondo nebo Corona


Kakomwa Governor nebo Nandi Stephen Arap Sang kole chobot serekalinyi koborie kanyoiset nebo miondo nebo Corona nekokoitchi county inotok kongenyor bik 4 chetinye mionotok bo Corona.

Ye kangongololchin sirikab logoiywek eng siptalitab Kapsabet County Referral eng chigilisietab komaswek chekinyoe bik chemite olengoi sobonwekwak notok ko ICU komwa Arap Sang kole ngandan bik 4 chekokinyorchi mionotok komamite olengoi sobonwekwak kotinye kamuget county inotok kokochi kanyoiset bik chemokchingei kanyoiset nemite barak.

Kora kokon kurset Arap Sang koitchi mengikab Nandi kosub koitita ngatutik chekikon serkali chetkchingei keter kayaptaetabgei nebo miondoab Covid-19 kamach kokimit tililindo ak konget eng gaa eng kasarwek tugul.