Kamiti ya mbunge kuthuranira riboti iguru ria BBI


Kamiti ya amwe yeegie watho ya mbunge ya kinthiguru na ira ya senate ikarutha ikaro ntugu ya imunthi na ruu kuthuranira riboti nyuma ya kuthikiiria maoni kuuma kiri mwingi iguru ria riboti ya BBI.

Ikaro bibu biruthiite wa rira mbunge inu iri ciiri ciitaniite ikaro bia mwanya ntugu ya Nchumatano na Alamisi bia gukurukia riboti inu.

Mutongoria wa bara baingi kiri mbunge ya nthiguru Amos Kimunya augiite batiri na mainya ma kuruthira riboti inu ya BBI ugaruruku nwa buriku na kira aki beeterete i riboti ya kamiti inu.

Kulingana na seneta wa Makueni Mutula Kilonzo Jnr na mubunge wa Homa Bay Town Peter Kaluma bara naankiama ba kamiti inu ya JLAC, bakawata riboti ya ataalamu iguru ria mantu mara beendaga mwerekera nkuruki wa kiwatho na mara maumiire kagiita ga kuthikiiria maoni ma mwingi.

Kuumania na mawatho mara meekirwe kurigiiria gutamba nkuruki wa corona, rwaria ruru iruchereretwe gukurukua mbungeni indi irukuirigiirwa gukurukua kiumia giki na kunenkanirwa kiri rais Uhuru Kenyatta mbere ya kuirwa kiri nkiama ya ithurano na mianka IEBC kuthuuranira kura ya kugarura katiba.

Amwe noogu, koti nirungikiite kuruthika wa kura ya kugarura katiba mwanka magamba mara mari kotini mathikiirue na kugiitwa.

Bubub buthiite mbere wa rira…

Abunge ba mbunge ya nthiguru na ira ya senate ibauriitue gutiga gutuika kirigiiria kiri riboti ya BBI indi bamikurukie kwaa akenya kanya ga kuringa kura ya kugarura katiba.

Mubunge wa EALA Dr. Oburu Oginga augiite akenya ibaagitire itua gukurukiira saini nkeruki ya 1 million ira beekire kuwata mbaru BBI, na riboti inu yaakurukua i mbyunge cia kaunty na kwogu itibatiiri gucherithirua.

Akiaria nteere cia Alego/Usonga kaunty ya Siaya, Oburu augiite akenya ibeeterete muno kura ya kugarura katiba.