Kamiti ya BBI kurikia ngugi yeeyo


Kagiita ka uruti ngugi ga kamiti ya BBI ira yaatarirwe i rais Uhuru Kenyatta na mutongoria wa ODM Raila Odinga karikinya muthia ntugu ya imunthi.

Kamiti inu ya akiama 14 iriirigirwa kunenkanira riboti kiri rais Uhuru Kenyatta ira ikaaruta mataaro na mwerekera kiri kuuyuria mendekithia ma BBI.

Rungu rwa utongoria bwa senator wa Garissa Yusuf Haji, kamiti inu ikaamurika njira cia kurutha ugaruruku bwa katiba na utongoria kulingana na maoni mara yeethiraniirie kuuma kiri mwingi.

Nyuma ya kwongeerwa kagiita mwambirio wa mwanka uyu, kamiti inu wigiitue ikiithukia maoni kuuma kiri atongoria, mwingi na ikundi gukurukiira micemanio ira yaaruthawa nteere mwanya cia nthiguru.

Micemanio inu neari kwambiria gukuyiria maoni mwanya na kwongeera murugutira wa gisiasa mbere ya gutumuka kwa murimo wa Covid-19 aaga Kenya.