Kambuni ya Boeing guthitangwo ringi ni bamiri iria endwa ao makuiriire mutino-ini wa Ethiopia


Bamiri iria endwa ao maakuire mutino-ini wa ndege ya Ethiopia ni ithiite na mbere kuhinyiriria irihwo ngarama ya hathara.

Murugamo wao ukite thutha wa kambuni ya Boeing kuuma America kuga ni ndege ciayo muthemba wa 737 Max ni igucokereria thabari.

Na bamiri ya Karanja Quindos iria endwa ao atano makuire mutino-ini ucio yugite ni ihariirie kuruta uira niguo kihooto kirugame.

Mutino ucio wahanikire tariki ikumi wa gatatu mwaka uyu na gucungirira ikuu cia athii othe igana ria mirongo itano na mugwanja aria maumaga Ethiopia merekeire Kenya.

Na kuuma hindi iyo ndege muthemba ucio ni ciarugamirio thi ng’ima thutha wa mutino ungi ta ucio bururi-ini wa Indonesia uria wacungiriire ikuu cia andu igana ria mirongo kenda.

Mitino iyo yeri yatiganire na mieri itano na utuiria uria wacokire gutabanio woonanirie ndege muthemba wa Boeing 737 Max ni ciari na thina wa mitambo.

Karanja aakuiriirwo ni mutumia wake, mwari na ciana ithatu cia mwari makiuma bururi-ini wa Canada.