Kambeni cia ithurano bururi-ini wa America kuingira ikereka ria muthia


Kambeni cia ithurano nene bururi-ini wa America ni cingirite ikereka ria muthia, oriri mihang’o iyo itigaritie nduku ithathatu itabanio.

Muhuraniri wa giturwa gia president na tigiti wa kiama kia Democratic Joe Biden, ni akumithitie president Donald Trump akimuita mukora.

Munini ucio wa president wa tene ekwaragia gakundi kanini ka andu gicigo-ini kia Georgia, kuria Trump aiyukirie uhotani munene mwaka wa 2016.

Nake Trump auma gicigo-ini kia Michigan akiuga muingi wa America waathure Joe Biden wonjoria wa bururi ucio ndukuirica kuhaguka.

Trump auma hamwe na mutumia wake Melania uria unyitaniire nake hari mucemanio wa mbere wa kambeni.

Ndumiriri-ini yake first lady ucio ni arutire Biden mahitia akiuga ndari na umenyo wa kugacirithia wonjoria wa America.

Kuringana na kura cia maoni ma muingi, Joe Biden ari mbere ya Trump hitahita-ini ya guthii thingira wa iregi wa White House.

Na nginyagia riu andu million mirongo iiri na kenda ni maikitie kura ciao tene na njira ya posta, no giathi gia ithurano ni muthenya wa keri kiuma giukite.

Andu million igana ria mirongo itano na ithatu nio meyandikithitie kunyita itemi ithurano-ini cia America.