Kalonzo gukomana na atongoria ba dini kuuma Rift Valley


Mutongoria wa kiama kia Wiper Kalonzo Musyoka ugoro bwa igoro narakomanire na atongoria ba makanisa kuuma kaunty cia Bomet, Kericho na Nakuru ara baraari na rwaria amwe na kurutha maromba.

Atongoria babu bara iu ba dini mwanya mwanya barariungiite ubisini cia kiama giku nteere cia Karen aaga Nairobi kumwituriria maguta na kumurombera iguru ria kiroto giake gia gutongoria nthiguru ara baramuuririe ariungire kanisa cia gishigo kia Rift Valley.

Kalonzo ura areetigiirie mbitwa yaago na kuuga akariunga nteere inu, naratumiire kanya gaku kuuria atongoria wigue bari na kuumaniiria na kurekana na siasa cia uthu na cia kwathurana nthiguru na misingi ya gikabila.

Augiite kira mutongoria ari na aki ya kwaria na kuthikiirua bantu onthe riru akenya bagiite itua ria muthia iguru ria ura akaabatongoria nyuma ya wathani bwa rais Uhuru Kenyatta.