Kakoyomis ministry nebo somanet kole wendi kokanoptoi teksosiek eng sukulisiek asikorib kalyetab kipsomaninik eng sukul.


Kakoyomis ministry nebo somanet kole wendi kokanoptoi teksosiek eng sukulisiek asikorib kalyetab kipsomaninik eng sukul.

Ye kangongololchin sirikab logoiywek komwa minister nebo somanet Prof. George Magoha kole yautiet nekibit eng sukulitab Primary nebo Kakamega ole kiibet sobet kipsomaninik 15 kobo orogenet neo ak eng notok kobendi koboisie logoiywek chekinyor kosupkei ak chigilisienyi kokanapta kalyetab kipsomaninik.

Kotinyngei ak tetutiet nebo koker kole kipsomaninik tugul chekiyai tiemutikab poror chebo class sisit KCPE eng kenyit konye kokachut sukulisiekab secondary kokamwa Magoha kole kokochut Form one kaitet nebo 99.8% nebo kipsomaninik.

Eng kasaratak kokamwa kokamwa Magoha kole kokobarasta serkali kokoitoetab tender nebo teksetab darasosiek eng sukulisiekab poror ole kokitaban rabinik silling billion 8.2 chekiboisie eng boisionotok.