Kakonerekchi polis eng Eldoret kakwautiet nekoib bik cheyoe boda boda kobel trelait neloe grubet kongoriach agenge eng icheg


Kakonerekchi polis eng Eldoret kakwautiet nekoib bik cheyoe boda boda kobel trelait neloe grubet eng betutab amut kongoriach agenge eng icheg eng komasta nebo Annex eng oret neo nebo Eldoret – Nakuru.

Ye kangongololchin sirikab logoiywek eng nganasetab Eldoret komwa commander nebo polis eng county nebo Uasin Gishu Johnstone Ipara kole tesetai chigilisiet ak icheg chekotinyngei ak belsetab trelainotok kenome ak keyotchi kiruoget.

Kamwa Ipara kole koimuch dereva nebo trelainotok kokoitogei eng polis kongobit nyasutionotok ak eng notok ko komakobo iman eng bikab boda boda kobel trelainotok.

Katea komwa Ipara kole tinye chomchinet chito agetugul koboisie oret.